‘فیٹ مین اسکوپ’ لائیو کنسرٹ میں دورانِ پرفارمنس اسٹیج پر گِرنے سے چل بس.
بین الاقوامی میڈیا رپورٹس کے مطابق 53 سالہ امریکی ریپر فیٹ مین “گرین اینڈ گولڈ پارٹی” میں لائیو پرفارم کررہے تھے کہ اچانک اُن کے سینے میں تکلیف محسوس ہوئی جس کے بعد وہ اسٹیج پر گِرگئے تھے۔
جس پر انہیں فوری طور پر مقامی اسپتال منتقل کیا گیا تھا جہاں وہ جانبر نہ ہوسکے اور دُنیا سے رخصت ہوگئے۔
گلوکار کے ٹور مینیجر، ڈی جے اور پروڈیوسر برچ مائیکل نے اپنی سوشل میڈیا پوسٹ کے ذریعے فیٹ مین اسکوپ کی موت کا اعلان کیا۔
واضح رہے کہ فیٹ مین اسکوپ نیویارک میں پیدا ہوئے تھے اور ان کا اصل نام آئزک فری مین فیٹ مین اسکوپ اپنی پُرجوش پرفارمنس اور خوبصورت آواز کی وجہ سے کافی مقبول تھے۔
فیٹ مین اسکوپ نے اپنے کیریئر کے دوران متعدد سُپر ہٹ گانے دیے
ریپر فیٹ مین اسکوپ کو 90 کی دہائی میں نیویارک سٹی کے ہِپ ہاپ منظر نامے کی ایک بااثر شخصیت سمجھا جاتا تھا۔
